Breaking: ಅಹಮದಾಬಾದ್‌ನಲ್ಲಿ ಐಪಿಎಲ್‌ ಫೈನಲ್‌, ತವರಿನ ಲೀಗ್‌ ಪಂದ್ಯ ಕಳೆದುಕೊಂಡ ಆರ್‌ಸಿಬಿ!

ಮುಂಬೈ (ಮೇ.20): ಜೂನ್ 3 ರಂದು ಗುಜರಾತ್‌ನ ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಐಪಿಎಲ್ 2025 ರ ಫೈನಲ್ ಪಂದ್ಯ ನಿಗದಿಯಾಗಿದೆ. ಮಂಗಳವಾರ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ನಡೆಸಿದ ಸರಣಿ ಸಭೆಗಳಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಜೂನ್ 1 ರಂದು ಇದೇ ನಗರದಲ್ಲಿ ಕ್ವಾಲಿಫೈಯರ್ 2 ಪಂದ್ಯ ಕೂಡ ನಡೆಯಲಿದೆ.

ಅದರೆ, ಪ್ಲೇಆಫ್‌ಗಳ ಮೊದಲ ಎರಡು ಪಂದ್ಯಗಳು - ಕ್ವಾಲಿಫೈಯರ್ 1 ಮತ್ತು ಎಲಿಮಿನೇಟರ್ - ಕ್ರಮವಾಗಿ ಮೇ 29 ಮತ್ತು ಮೇ 30 ರಂದು ನ್ಯೂ ಚಂಡೀಗಢದ ಮುಲ್ಲನ್‌ಪುರದಲ್ಲಿ ನಡೆಯಲಿವೆ. ದೇಶದಲ್ಲಿ ಮಳೆಗಾಲ ನಿಧಾನವಾಗಿ ಜಾರಿಗೆ ಬರಲು ಪ್ರಾರಂಭಿಸುತ್ತಿರುವುದರಿಂದ, ಈ ಸ್ಥಳಗಳನ್ನು ಆಯ್ಕೆ ಮಾಡುವಾಗ ಬಿಸಿಸಿಐಗೆ ಹವಾಮಾನ ಪರಿಸ್ಥಿತಿಗಳೇ ಪ್ರಾಥಮಿಕ ಪರಿಗಣನೆಯಾಗಿತ್ತು ಎನ್ನಲಾಗಿದೆ.

ಐಪಿಎಲ್ ಸೀಸನ್ 18 ರ ಪುನರಾರಂಭದ ಘೋಷಣೆಗೆ ಕೆಲವು ದಿನಗಳ ಮೊದಲು, ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯ ಉನ್ನತ ಅಧಿಕಾರಿ (ಬಿಸಿಸಿಐ) ಲೀಗ್‌ನ ಉಳಿದ ಪಂದ್ಯಗಳನ್ನು ನಡೆಸುವ ಬಗ್ಗೆ ಮಂಡಳಿಯ ಕಳವಳಗಳನ್ನು ವ್ಯಕ್ತಪಡಿಸಿದರು. "ಯುದ್ಧದ ನಂತರ, ಐಪಿಎಲ್‌ ಹವಾಮಾನದಿಂದ ಪರಿಣಾಮ ಎದುರಿಸಲಿದೆ" ಎಂದು ಅಧಿಕಾರಿ ಹೇಳಿದ್ದರು. ದೇಶವು ಹಠಾತ್ ಅಸಾಮಾನ್ಯ ಅಕಾಲಿಕ ಮೋಡದ ಸ್ಫೋಟಗಳಿಗೆ ಸಾಕ್ಷಿಯಾಗುತ್ತಿರುವುದರಿಂದ ಲೀಗ್‌ನ ಉಳಿದ ಭಾಗಗಳ ಮೇಳೆ ಪರಿಣಾಮ ಬೀರಬಹುದು ಎಂದು ಆತಂಕ ವ್ಯಕ್ತಪಡಿಸಿದ್ದರು.

Related Articles

ಮಂಗಳವಾರ (ಮೇ 20) ನಡೆದ ಪದಾಧಿಕಾರಿಗಳು ಮತ್ತು ಆಡಳಿತ ಮಂಡಳಿಯ ಸಭೆಗಳಲ್ಲಿ, ಪ್ಲೇ-ಆಫ್ ಮತ್ತು ಫೈನಲ್ ಪಂದ್ಯಗಳ ಸ್ಥಳಗಳನ್ನು ನಿರ್ಧರಿಸಲು ಕರೆಯಲಾಗಿತ್ತು, ಇದರಲ್ಲಿ ಹವಾಮಾನವು ಪ್ರಾಥಮಿಕ ಕಾರ್ಯಸೂಚಿಯಾಗಿತ್ತು. ಮುಂದಿನ ಹದಿನೈದು ದಿನಗಳಲ್ಲಿ ಹವಾಮಾನ ಮಾದರಿಯನ್ನು ಅಧ್ಯಯನ ಮಾಡಿದ ಬಿಸಿಸಿಐ, ಪ್ಲೇ-ಆಫ್‌ಗಳಿಗಾಗಿ ಅಹಮದಾಬಾದ್ ಮತ್ತು ನ್ಯೂ ಚಂಡೀಗಢವನ್ನು ಆಯ್ಕೆ ಮಾಡಿತು. ಈ ಎರಡು ನಗರಗಳು ಮುಂಬರುವ 15 ದಿನಗಳಲ್ಲಿ ಮಳೆಯಾಗುವ ಸಾಧ್ಯತೆ ಕಡಿಮೆ ಎಂದು ನಿರೀಕ್ಷಿಸಲಾಗಿದೆ.

ಬಂಗಾಳ ಕ್ರಿಕೆಟ್ ಸಂಸ್ಥೆ (CAB) ಈ ಋತುವಿನ ಕೊನೆಯ ಎರಡು ಪಂದ್ಯಗಳನ್ನು ಆಯೋಜಿಸುವ ಹಕ್ಕನ್ನು ಪಣತೊಟ್ಟಿದೆ ಎಂದು ತಿಳಿದುಬಂದಿದೆ. ಕಳೆದ ಋತುವಿನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಪ್ರಶಸ್ತಿಯನ್ನು ಗೆದಿದ್ದ ಕಾರಣಕ್ಕೆ  ಈಡನ್ ಗಾರ್ಡನ್ಸ್‌ನಲ್ಲಿ ಈ ಬಾರಿಯ ಫೈನಲ್‌ ನಡೆಯಬೇಕಿತ್ತು.

ಆರಂಭದಲ್ಲಿ ಎರಡು ಪಂದ್ಯಗಳನ್ನು ಸಹ ಇಲ್ಲಿಯೇ ನಿಗದಿಪಡಿಸಲಾಗಿತ್ತು ಆದರೆ ದೇಶದಲ್ಲಿ ಬದಲಾಗುತ್ತಿರುವ ಹವಾಮಾನ ಪರಿಸ್ಥಿತಿಯಿಂದಾಗಿ ಬಿಸಿಸಿಐ ಸ್ಥಳವನ್ನು ಪುನರ್ವಿಮರ್ಶಿಸಬೇಕಾಗಿದೆ. ಮೊದಲ ಎರಡು ಪ್ಲೇ-ಆಫ್ ಪಂದ್ಯಗಳನ್ನು ಆರಂಭದಲ್ಲಿ ಹೈದರಾಬಾದ್‌ಗೆ ಹಂಚಿಕೆ ಮಾಡಲಾಗಿತ್ತು. ಆದರೆ ಈ ಹಂತದಲ್ಲಿ ದೇಶದ ಉತ್ತರದ ಭಾಗವು ಹವಾಮಾನದಿಂದ ತುಲನಾತ್ಮಕವಾಗಿ ಪರಿಣಾಮ ಬೀರುವುದಿಲ್ಲ ಎಂದು ಪರಿಗಣನೆ ಮಾಡಿರುವ ಬಿಸಿಸಿಐ ಆ ಎರಡು ಪಂದ್ಯಗಳನ್ನು - ಕ್ವಾಲಿಫೈಯರ್ 1 ಮತ್ತು ಎಲಿಮಿನೇಟರ್ - ಉತ್ತರಕ್ಕೆ ಸ್ಥಳಾಂತರ ಮಾಡಿದೆ.

ಆರ್‌ಸಿಬಿ ಪಂದ್ಯ ಲಕ್ನೋಗೆ ಸ್ಥಳಾಂತರ: ಇದರ ನಡುವೆ, ಬಿಸಿಸಿಐ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಸನ್‌ರೈಸರ್ಸ್ ಹೈದರಾಬಾದ್ ಪಂದ್ಯವನ್ನು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಿಂದ ಲಕ್ನೋದ ಏಕಾನಾ ಕ್ರೀಡಾಂಗಣಕ್ಕೆ ಸ್ಥಳಾಂತರಿಸಿದೆ. ಈ ಪಂದ್ಯ ಶುಕ್ರವಾರ (ಮೇ 23) ನಡೆಯಬೇಕಿತ್ತು. ಇದು ರಾಯಲ್ ಚಾಲೆಂಜರ್ಸ್‌ನ ತವರು ಪಂದ್ಯವಾಗಿ ಮುಂದುವರಿಯುತ್ತದೆ.