2026ರಿಂದ 2 ಗಂಟೆಗಿಂತ ಕಡಿಮೆ ಅವಧಿಯ ವಿಮಾನ ಪ್ರಯಾಣದಲ್ಲಿ 'ನಿಂತು ಪ್ರಯಾಣಿಸುವ' ಸ್ಕೈರೈಡರ್ 2.0 ಆಸನಗಳು ಪಾದಾರ್ಪಣೆ ಮಾಡಲಿವೆ. ಸಾಮಾನ್ಯ ಎಕಾನಮಿ ಸೀಟ್‌ಗಳಿಗಿಂತ ಕಡಿಮೆ ವಿಸ್ತೀರ್ಣವುಳ್ಳ ಈ ಆಸನಗಳಲ್ಲಿ ಪ್ರಯಾಣಿಕರು ಅರೆನಿಂತ ಸ್ಥಿತಿಯಲ್ಲಿ ಪ್ರಯಾಣಿಸಬೇಕಾಗುತ್ತದೆ.

ನವದೆಹಲಿ: ನಾಗರಿಕ ವಿಮಾನಯಾನವು ದಿನೇ ದಿನೇ ಬದಲಾವಣೆಯಾಗುತ್ತಿರುವ ಕ್ಷೇತ್ರಗಳಲ್ಲಿ ಒಂದಾಗಿದ್ದು, ಪ್ರಯಾಣಿಕರ ಆಸನ ವ್ಯವಸ್ಥೆಯಲ್ಲಿ ಹೊಸದೊಂದು ಮೈಲುಗಲ್ಲನ್ನು ಈ ಕ್ಷೇತ್ರ ಸಾಧಿಸಿದೆ. 2 ಗಂಟೆಗಿಂತ ಕಡಿಮೆ ಅವಧಿಯ ಪ್ರಯಾಣದ ವಿಮಾನದಲ್ಲಿ ಇನ್ನುಮುಂದೆ 'ನಿಂತು ಪ್ರಯಾಣಿಸುವ ಆಸನಗಳಾದ ಸ್ಕೈರೈಡರ್ 2.0, 2026ರಲ್ಲಿ ಪಾದಾರ್ಪಣೆ ಮಾಡಲಿವೆ. ಈ ಆಸನಗಳು ಸಾಮಾನ್ಯ ಎಕಾನಮಿ ಸೀಟ್‌ಗಳಿಗಿಂತ ಕಡಿಮೆ ವಿಸ್ತೀರ್ಣ ಉಳ್ಳದ್ದಾಗಿದ್ದು, ಅತ್ತ ಪೂರ್ಣ ಕುಳಿತು ಕೊಳ್ಳಲು ಆಗದೇ, ಪೂರ್ತಿ ನಿಲ್ಲಲೂ ಆಗದ ಸ್ಥಿತಿಯಲ್ಲಿ ಇದನ್ನು ವಿನ್ಯಾಸಪಡಿಸಲಾಗಿದೆ. ಇದಕ್ಕೆ ಜಾಗತಿಕ ವಿಮಾನ ಭದ್ರತಾ ಒಪ್ಪಿಗೆಯೂ ಲಭಿಸಿದೆ. 

ಏನಿದು ಸ್ಕೈರೈಡರ್ ?: ಸ್ಕೈರೈಡರ್ 3.0 ಎಂಬುದು ಬೈಕ್ ಸೀಟಿಂಗ್ ರೀತಿ ಆಸನ ವ್ಯವಸ್ಥೆ. ಇಲ್ಲಿ ಪ್ರಯಾಣಿಕರು ಪೂರ್ಣವಾಗಿ ಕುಳಿತುಕೊಳ್ಳಲು ಆಗದು. ಬದಲಿಗೆ ಹಿಂಬದಿ ವಾಲಿ ಕುಳಿತು ಕೊಳ್ಳಬೇಕಾಗುತ್ತದೆ. ಇದನ್ನು ಕೇವಲ 2 ಗಂಟೆಗಿಂತಲೂ ಕಡಿಮೆ ಅವಧಿಯ ಪ್ರಯಾಣಕ್ಕಾಗಿ ಮಾತ್ರ ಅನುಮತಿ ಕೊಡಲಾಗಿದ್ದು, ಎರ್‌ಲೈನ್ಸ್ ಗಳು ಇದರ ಮೇಲೆ ಕಣ್ಣಿರಿಸಿವೆ. ಇದರಿಂದ ವಿಮಾನದಲ್ಲಿ ಶೇ.20 ಹೆಚ್ಚು ಜನರು ಪ್ರಯಾಣಿಸಬಹುದು ಎಂಬ ನಿರೀಕ್ಷೆ ಇದೆ.