ತೆಲುಗಿನ ‘ಜೆರ್ಸಿ’ ಚಿತ್ರದ ಹಾಡಿನ ಲಿಪ್ಲಾಕ್ ಸನ್ನಿವೇಶಕ್ಕೆ ನಟಿ ಶ್ರದ್ಧಾ ಶ್ರೀನಾಥ್ ನೀಡಿದ ಖಡಕ್ ಪ್ರತಿಕ್ರಿಯೆ ಇದು. ಕನ್ನಡದ ‘ರುಸ್ತುಂ’ ಚಿತ್ರದ ಜತೆಗೀಗ ಶ್ರದ್ಧಾ ಶ್ರೀನಾಥ್ ಟಾಲಿವುಡ್ನಲ್ಲೂ ಬ್ಯುಸಿ ಆಗಿದ್ದಾರೆ. ನಾನಿ ಜತೆಗೆ ಶ್ರದ್ಧಾ ಶ್ರೀನಾಥ್ ಅಭಿನಯಿಸಿರುವ ‘ಜೆರ್ಸಿ’ ಚಿತ್ರೀಕರಣ ಮುಗಿಸಿ, ರಿಲೀಸ್ಗೆ ರೆಡಿ ಆಗಿದೆ. ಈ ಚಿತ್ರದ ಹಾಡೊಂದು ಈಗಷ್ಟೇ ಬಿಡುಗಡೆ ಆಗಿದ್ದು, ಆ ಹಾಡಿನಲ್ಲಿ ಶ್ರದ್ಧಾ ಶ್ರೀನಾಥ್, ನಾನಿ ಲಿಪ್ಲಾಕ್ ಮಾಡಿಕೊಂಡಿದ್ದಾರೆ. ಆ ಹಾಡು ಈಗ ವೈರಲ್ ಆಗಿದೆ.
